ILC/ICL është një organizatë joqeveritare, jopartiake, jofitimprurëse, hulumtuese, kërkimore, trajnuese, avokuese, edukuese e politikave publike. ILC/ICL avancon një kuptim të informuar të çështjeve të udhëheqjes dhe menaxhimit përmes kërkimeve të besueshme, analizave të besuara dhe edukimit inovativ. Ne jemi të përkushtuar për të përmirësuar aftësinë e shoqërisë dhe të vendit për të ekzekutuar lidership dhe udhëheqje sa më prëcize dhe për t'iu përgjigjur situatave në zhvillim, me qëllim arritjen e objektivave strategjike të shoqërisë dhe shtetit tone Kosovës dhe më gjerë.

Në Institutin për Lidership Civil (ILC/ICL), ne zhvillojmë dhe avancojmë zgjidhje të bazuara në prova për sfidat e sotme urgjente të Kosovës dhe jo vetëm. Provojmë të nxisim ndikimin në Kosovën reale duke mbledhur studiues dhe praktikues kryesorë, duke zhvilluar zgjidhje politikash dhe duke trajnuar gjeneratën e ardhshme të liderëve. Ne mirëpresim ngrohtësisht individët (profesionistë dhe të tjerë) që duan të frymëzojnë e të mundësojnë ndryshime pozitive në komunitetet e tyre përmes zhvillimit të lidershipit dhe angazhimit qytetar. Ne në ILC/ICL, i përgjigjemi krizave më të këqija të udhëheqjes dhe menaxhimit. Ndihmojmë të mirëmenagjohen institucione, biznese dhe organizata, i hulumtojmë shkeljet, i mbrojmë njerëzit nga padrejtësitë dhe iu sugjerojmë atyre zgjidhje që të marrin kontrollin e së ardhmes së tyre.